Featured



Loading...

DJ Fetty Awachana BASATA Kuhusu Kumfungia Shilole...Akumbushia Mixtape za Matusi za ANTI VIRUS

@Thebestfetty;
"Zilitoka mixtape za matusi za ANTI VIRUS vol 1 na 2, BASATA ilikaa kimya na ilitoa kibali cha uzinduzi wa anti virus volume 2, Viwanja vya posta, licha ya kuwepo kwa malaamiko. SWALI ni, kifungu kilichotumika kumhukumu ni kuwa UCHI au ni UVUNJAJI WA MAADILI????".

WAWILI WATOLEWA TMT

Watazamaji ukumbini wakifuatilia shoo.
Watazamaji ukumbini.
Mshiriki, Catherine Nicholaus kutoka Kanda ya Kati Dodoma baada ya kuyaaga mashindano ya TMT 2015.
Catherine Nicholaus kutoka Kanda ya Kati Dodoma na Jackson Sakumi Kutoka Mbeya kanda ya Nyanda za Juu Kusini.
Group la Kwanza kutokea kushoto ni Mohamed,Catherine,Nadhifa,Naomi na Rachel wakiwa mbele ya majaji kusikiliza comment baada ya kile walichigiza kutazamwa.
Group la Kwanza kutokea kushoto ni Mohamed, Catherine, Nadhifa, Naomi na Rachel wakiwa mbele ya majaji kusikiliza comment baada ya kile walichigiza kutazamwa.
Group la Kwanza kutokea kushoto ni Mohamed, Catherine,Nadhifa, Naomi na Rachel wakiwa mbele ya majaji kusikiliza comment baada ya kile walichigiza kutazamwa
Group la pili kutokea kushoto ni Tonluck, Said, Catherine, Aisha, Kalombo, Jackson na Mohamed wakiwa mbele ya majaji kusikiliza comment baada ya kile walichigiza kutazamwa
Jackson Sakumi Kutoka Mbeya akimkumbatia mwenzake Catherine Nicholaus kutoka Kanda ya Kati Dodoma baada ya kutangazwa kuyaaga mashindano ya TMT 2015
Jackson Sakumi Kutoka Mbeya kanda ya Nyanda za Juu Kusini baada ya kuyaaga mashindano ya TMT 2015
Jackson Sakumi.
Kutoka kushoto ni Madam wa TMT house na waalimu wa Chuo kikuu cha Dar es salaam ambao katikati Issa Mbuya na Dr. Mona Mwakalinga
Mboto na Lulu
Mboto akizungumza na washiriki baada ya comments za majaji
Mboto na Lulu
Rachel akiinua mikono ikiwa ni ishara ya kumshukuru Mungu baada ya kukoswakoswa kuondolewa kwenye mashindano baada ya kutoka danger zone kuwa kwenye safe side
Wadau waliojitokeza ukumbini kutazama sho
Wakikumbatiana kwa kwa furaha
Wakikumbatiana
Wakitoa Shukrani zao kwa TMT,Majaji,waalimu na Crew nzima ya TMT
Jackson Sakumi Kutoka Mbeya kanda ya Nyanda za Juu Kusini baada ya kuyaaga mashindano ya TMT 2015
washiriki
Watazamaji wa show ukumbini.
Watazamaji wa show ukumbini
Ikiwa zimebaki siku chache kufika final za Shindano la TMT 2015 limezidi kupamba moto baada ya washiri kubaki 12 kulingana na 20 walionza mashindano hayo,wiki hii tumetazama washiriki wawili wakiyaaga mashindano hayo ni Catherine Nicholaus kutoka Kanda ya Kati Dodoma na Jackson Sakumi Kutoka Mbeya kanda ya Nyanda za Juu Kusini.Wameaaga mashindano hayo baada ya kuwa kwenye jua la utosi (danger zone) kwa wiki mbili pia kilichofanya kuondolewa katika mashindano hayo ni kuwa na kiwango kidogo cha kura walizopigiwa na watazamaji.
Baada ya kutangazwa kuyaaga mashindano hayo Catherine Nicholaus na Jackson Sakumi waalisema wanawashukuru waandaaji wa Shindano la TMT kampuni ya Proin promotions kwa kuandaa shindano hilo la kuibua vipaji vya uigizaji nchini maana limelenga kuibua na kuwatengenezea ajira vijana nchini.
Aliongeza kwa kuwashukuru waalimu wao kutoka  Chuo kikuu cha Dar es salaam ambao ni Dr. Mona Mwakalinga na Issa Mbuya kwa kuwa wamehusika sana katika kukuza sanaa yao kwa kuwafundisha na kuhakiisha saana yao inaongezeka kiwango,walimalizia kwa kuwashukuru majaji na washiriki wenzao kwa kuwaambia wakaze buti na kuongeza bidii mpaka kufikia kile walichokusudia.
Wiki hii washiriki wote wameingia kwenye danger zone (jua la utosi) ili kumuondoa mshiriki kwenye jua la utosi mpigie kura Mshiriki umpendae ili aendelee kubaki katika mashindano ya TMT 2015 na kumpa nafasi zaidi ya kushinda milioni 50. Andika TMT acha nafasi, namba ya mshiriki kisha tuma kwenda 0784367738.‪
Nadhifa Haruna 01, Aisha Katabazi 02, Kalombo Amboni 04, Dennis Laswai 05, Tomluck Stephan Shukuru 06 ,Titus Maridhia 08, Daniel Lufingo 09, Vandeline  August 11, Naomi Chuwa13, Sadam Nawanda 14, Mohamed Massanga 15, Saidi Bakari Mbelemba16, Rachel Michael 17.
Usikose kutazama Kipindi cha TMT 2015 kila Jumapili saa 3:30,marudio alhamisi saa 5:30 usiku na Jumamosi saa 7:00 mchana kupitia luninga ya ITV

Baada ya kuibuka kidedea kura za maoni jimbo la Ukonga,wananchi wampongeza Jerry Silaa nyumbani kwake.

jerry
Wananchi wa Jimbo la Ukonga wamempongeza nyumbani kwake mgombea ubunge wa jimbo hilo aliyeibuka kidedea,Jerry Silaa.
jerry1
Silaa aliibuka kidedea kwa kupata kura 10,382 huku mshindani wake PATEL Ramesh akipata kura 7355.
Mgombea ubunge huyo aliwashukuru wananchi na wanaCCM waliokwenda nyumbani kumpongeza na kuwapongeza wagombea wenzake wote,na kuongeza kuwa wiki moja waliyokuwa pamoja amejifunza mengi, anaamini watashirikiana kufanikisha Ushindi wa CCM October 25.

HAYA NDIYO MATOKEO YA KURA ZA MAONI TOKA BUMBULI KWA MHE.JANUARY MAKAMBA..HIZI NDIZO KURA ALIZOPATA

bumbuli
Headlines za sasa nyingi zimeelekea kwenye siasa ambapo Tanzania mwezi October 2015 itakua ni muda wa Watanzania wote kuwapigia kura wagombea ambao wanaona wanafaa.

Masama Blog imepata taarifa za matokeo ya uchaguzi wa Wabunge kupitia Chama Cha Mapinduzi jimbo la Bumbuli, ambazo zimetolewa na Ramadhan Mahanyu Mkurugenzi wa Uchaguzi wilaya ya Lushoto.
January Yusuph Makamba amepata kura 17,805 alafu mgombea mwingine ni Abdulkadir Abdi Mgheni yeye amepata kura 2,403, Abubakar Juma Mshihiri yeye amepata kura 205 na Yusuph Juma Shekwavi amepata kura 69.

Nimeambiwa pia kura zilizopigwa ni 20,522 kati ya hizo 40 ziliharibika na 20,482 ni kura halali.
Masama Blog inampa hongera saaana mhe January Makamba kwa ushindi huo wa kishindo huko Bumbuli,kwani wananchi wa bumbuli bado wana imani na utendaji wako....

DIAMOND, AUNT WAONGOZA SHANGWE ‘BIRTHDAY’ YA MOSE IYOBO

Mose Iyobo (kulia) akimlisha keki Diamond, usiku wa kuamkia leo ndani ya ukumbi wa Regence Hotel, Mikocheni jijini Dar es Salaam.
Mose Iyobo akimlisha keki msanii wa filamu, JB.
Mmoja wa madansa wa Diamond aitwaye Dumy, akilishwa keki na Mose Iyobo.
Shamsa Ford hakuwa nyuma kula keki hiyo.

Baadhi ya waalikwa waliyojitokeza kwenye hafla hiyo wakimmwagia maji Mose Iyobo muda mfupi baada ya kuingia ukumbini hapo.
Diamond akifungua moja ya shampeni zilizoandaliwa mahususi kwa ajili ya hafla hiyo.
Mmoja wa waalikwa akimiminiwa shampeni na Diamond baada ya kuifungua.
Diamond akiwa amebeba keki.
Aunt Ezekiel na mzazi mwenzake,  Mose Iyobo, wakinywa shampeni.
Diamond akiandaa mazingira ya keki kabla ya zoezi la kuikata kuanza.
Keki ya sherehe hiyo.
Diamond akiongea jambo huku Mose na Aunt wakionekana kufurahia.
USIKU wa kuamkia leo dansa wa Crow ya Wasafi Classic Baby, Mose Iyobo, alisherehekea siku ya kuzaliwa kwake iliyohudhuriwa na  baadhi ya mastaa akiwemo bosi wake, Nasibu Abdul ‘Diamond’, na mzazi mwenzake, Aunt Ezekiel, ambapo kwa pamoja waliongoza shangwe kwenye pati hiyo.
Hafla hiyo ilifanyika ndani ya ukumbi wa hoteli ya Regence iliyoko Mikocheni jijini Dar es Salaam, ambapo mastaa na watu kibao  walihudhuria wakanywa na kukata keki iliyokuwa imeandaliwa maalum kwa sherehe hizo.

BREAKING NEWS, KIGOGO MWINGINE CCM AFUNGUKA MAZITO KUHUSU CCM NA LOWASSA, SOMA HAPA ALICHOSEMA

BALOZI JUMA MWAPACHU AFUNGUKA MAZITO KUHUSU EDWAED LOWASSA

Nimesoma mabadilishano na mabishano ya fikra kuhusu hali ya siasa nchini mwetu na hususa ni baada ya Mhe Lowassa kuamua kujiunga na Chadema na kuwa mwakilishi wa UKAWA katika kinyang'anyiro cha nafasi ya Urais wa Jamhuri ya Muungano. Sijui nyie wenzangu  mmesimamia wapi katika suala hili.

Naomba niseme mwanzoni kabisa kwamba nchi yetu hii leo imefikia mahali ambapo wasomi, wanazuoni kama sisi katika mtandao huu, Hatuna budi kujitokeza na kuhesabika tunamuunga nani mkono katika uchaguzi ujao wa Rais wa Tanzania. Tuwe wakweli na siyo kuendelea kuegemea katika kificho cha 'uhuru' wa wanazuoni katika kutoa maomi na fikra kama vile sisi si wapiga kura au wananchi wanaothamini umuhimu kuhusu uongozi wa nchi yetu. Wakati huo umepitwa na hali halisi ya itikadi na maana muhimu ya uongozi wa Taifa.

Sasa, Mimi binafsi, namuuunga mkono Edward Ngoyai Lowassa. Yako mengi ambayo kazuliwa huyu ndugu yetu; tunaambiwa tangu 1995 wakati Mwalimu Julius Nyerere alipotamka kwamba 'huyu kijana ninalo faili lake, ana utajiri usiyoelezeka. Ana nyumba kadhaa.' Lakini huyo huyo Baba wa Taifa alimpenda sana Edward na kumpa madaraka ndani ya CCM na baraza la mawaziri. Kama Edward alikuwa 'corrupt' swali ni kwanini Baba wa Taifa hakumchukulia hatua za kisiasa na kisheria? Kwanini aseme hayo aliyoyasema mwaka 1995 wakati Edward Lowassa alikuwa akiongoza kupendwa dani ya CCM, ngazi zote na akitarajiwa ndiye angependekezwa kuwa mgombea wa Urais? Jamani, wanazuoni, lazima mtafakari historia na hali halisi ilivyokuwa. Mhe Jakaya Kikwete hakuwa 'the favourite' candidate in 1995. Na Mwalimu alimtaka Ben Mkapa wakati ule awe Rais. Ilibidi Lowassa atoswe kinamna!

Mimi namfahamu Edward, Ninyi mnaujua huo utajiri wake au basi akitoa michango hapa na pale ni pesa zake? Kati yenu mna utajiri zaidi ya Edward. Edward alivumilia na kumsaidia mwenzake (nasita sasa hivi kutumia neno 'rafiki') Jakaya ashinde uteuzi wa mgombea wa CCM hapo 2005. Aliamua hivyo baada ya makubaliano ya 1995. Wapo wengi wa Tanzania waliyojitolea muhanda, wa hali na mali kuungana na Edward kumwezesha Jakaya Kikwete kuwa Rais 2005. Kati yao, ndiyo wamekuwa karibu na Edward katika kinyang'anyiro cha majuzi Dodoma. Imani yao ilikuwa kwamba pamoja na mkanganyiko wa Februari 2008 wa Richmond ambao hauna mashiko yoyote ya ufisadi kwa maana ya rushwa, Rais Kikwete angemfungulia mlango mwenzake Edward kuwa mgombea wa CCM. Badala yake Edward bado akajengewa mzengwe wa utajiri kama Baba wa Taifa alivyofanya 1995. Hivi leo tukichambua nani kati yetu ni tajiri zaidi ya Lowassa tutakuwa na viongozi wanao kidhi mategemeo yetu?

Kuhusu hili swala la Richmond: Hivi baada ya taarifa ya Tume ya Bunge ya Dr Mwakyembe, Serikali ilitoa majibu. Mbona kwenye tuhuma za Bunge kuhusu Tegeta Escrow imekuwapo taarifa toka kwa Chief Secretary kuhusu suala hilo? Nani aliyejaribu kutoa maelezo ambayo yangemfungisha Lowassa au kumkomboa kwa kitendo chake cha kujiuzuru kisiasa? Badala yake, wanazuoni wenzangu ambao sidhani kama tunazo facts za kutosha tunaendelea kumshutumu Lowassa na kumwona kama vile ni corrupt na kiongozi asiyefaa. It is not fair.

Mimi simlaumu Lowassa kujitoa CCM. Ni haki yake na kajieleza vipasavyo kuhusu maamuzi yake. Je, ni uamuzi wa uroho kuhusu Urais? Jamani, wanazuoni, hivi kweli tumefikia hatua ya kumwona mtu ana uroho wa Urais? Ili awe au afanye nini ambacho sisi tufunge macho, na siyo tu kutoona, bali pia kuto chukua hatua? Ikifikia hapo, basi hatuna Taifa tena!!

Taifa letu limebahatika kufika hapa lilipofika mwaka huu. Wengi hatukutarajia kwamba yale ambayo tumekuwa tukitafakari na hata kusali ghafla yameibuka. Sidhani na siamini kwamba ramani ya siasa ya Jamhuri yetu itabaki ilivyo ifikapo Desemba 2015. Ni ishara ya kheri na mwelekeo mwafaka kwa demokrasia ya Taifa letu.Naamini kwa dhati kabisa kwamba Edward Lowassa atakuwa kiongozi ambaye atasaidia ramani hii kubwa na muono mpya.

Juma Volter Mwapachu
Tupe Maoni Yako( Matusi Hapana )


KUTAZAMA PICHA na VIDEO YA JOKATE NA ALIKIBA WAKIWA BAFUNI BONY3ZA HAPO CHIN

BREAKING NEWSSS : DR SLAA AMLIPUA YERIKO NYERERE, SOMA HAPA ALICHOSEMA

Baada ya Yericko Nyerere Kuandika Ujumbe Huu mzito kwa ajili ya Dkt Slaa,

Dkt Slaa akuweza kuvumilia na ye Amerudisha Kombola na

#DktSlaa amlipua @YerickoJNyerere, asema akiwa na la kusema ataitisha press conference. Ni wazi amejiweka kando #CDM 

Manji, Fella washinda Mbagala



Yusuf Manji, Mwenyekiti klabu ya Yanga
Yusuf Manji, Mwenyekiti klabu ya Yanga 
Wadau wawili wa michezo na burudani nchini; Yusuf Manji na Said Fella wameibuka kidedea katika kinyang’anyiro cha udiwani katika jimbo jipya la Mbagala jijini hapa.
Manji ambaye ni Mwenyekiti wa Klabu ya Yanga na Ofisa Mtendaji Mkuu wa Quality Group, alishinda katika udiwani katika Kata ya Mbagala Kuu wakati Fella ambaye ni msimamizi wa kazi za wasanii na muasisi wa Kundi la Mkubwa na Wanawe, alishinda katika Kata ya Kilungure.
Fella ni Meneja wa mwanamuziki maarufu nchini, Diamond Platnumz, TMK Family na Yamoto Band.
Kaimu Katibu CCM Wilaya ya Temeke, Rutami Masunu alisema uchaguzi huo ulikwenda vizuri katika maeneo mengi isipokuwa changamoto kidogo katika kata moja ambayo itafanya uchaguzi huo leo.
Alisema tayari matokeo ya kata 28 kati ya 32 za wilaya yake yamewasilishwa ofisini kwake na baada ya kuyapitia na kukusanya taarifa zinazowahusu madiwani na wabunge na muda wowote leo atatoa taarifa kamili.
Vurugu Jangwani, Buguruni
Uchaguzi wa kumteua mgombea wa udiwani Kata ya Jangwani wilayani Ilala, umeingia dosari baada ya kikundi cha vijana wanaosadikiwa kutokea Kinondoni kuvuruga upigaji kura na kuvunja hema jambo lililosababisha polisi kuingilia kati.
Mmoja wa mashuhuda wa tukio hilo, Ramadhan Manda alisema jana kuwa kundi hilo linadaiwa kutumwa na watoto wa mmoja wa wagombea kutokana na dalili za wazi za kushindwa uchaguzi huo.
Mkazi wa Mtaa wa Mtambani B, Suleiman Maarufu alisema: “Saa nne asubuhi nilisikia vurugu nje, nikatoka na kuona kikundi cha vijana kutoka Tawi la Mkombozi kikivutana na mmoja wa makada ninayemfahamu. Wale vijana wakapiga teke masanduku, wakavunja hema… sasa wakati naingia kuamulia, wakanipa misukosuko na kipigo na baada ya kuamka nikakuta nimeumia unyayoni na kwenye goti.”
Katibu wa CCM Wilaya ya Kinondoni, Ernest Chale alisema ni makundi matatu ya wagombea yaliyochangia kuibuka kwa vurugu hizo na kusababisha uchaguzi kutomalizika.
“Kutokana na haya yaliyotokea tutakaa vikao vya siasa kujadili, kwa maana hiyo hii kata itaendeshwa kama eneo maalumu. Kinachoonekana hapa mtu anatafuta uongozi kwa nguvu lakini uongozi unatolewa na Mungu, mimi naona ni bora akatulia kama anaona haki haitatendeka ni bora angesubiri akate rufaa.”
Mmoja ya wagombea wa udiwani, Abdul Faraji alisema: “Uchaguzi ilibidi ufanyike jana (juzi) na maeneo mengine lakini uliahirishwa kutokana na matatizo ya kwenye matawi… sasa tena unaahirishwa lakini hapa inaonekana bayana ni vigumu haki kutendeka.”
Katika Kata ya Buguruni wilayani Ilala, baadhi ya wanaCCM ambao tangu juzi walikesha kwenye ofisi cha chama hicho kulinda kura za wagombea udiwani, wanadaiwa kumshambulia Mjumbe wa Kamati ya Siasa, Tawi la Madenge, Ramadhani Mfinanga.
Tangu juzi saa tano usiku, wanaCCM hao wanaofikia 40 waliweka kambi katika ofisi hizo wakipinga matokeo ya kura za maoni zilizopigwa katika Tawi la Kisiwani.
Mfinanga alifika jana katika ofisi hizo na kusema matokeo hayatabadilishwa kauli iliyowakera na kuanza kumshambulia hadi alipojinasua baada ya kujichanganya na wafanyabiashara walioko katika Soko la Buguruni.
Mmoja wa wagombea wa udiwani katika Kata ya Buguruni, Barua Mwakatanga alisema walibaini kwamba kura zilizopigwa katika Tawi la Kisiwani zilikuwa 411 wakati idadi ya wapigakura ilikuwa 337.
Alisema walimweleza Katibu wa CCM, Kata ya Buguruni ambaye ndiye msimamizi wa uchaguzi, Abdul Kinogozi aliyewata wapeleke masanduku kwenye Ofisi za Kata ya Buguruni kwa ajili ya uhakiki.
“Tulipeleka lakini ilipofika saa tano usiku alisema amechoka na uhakiki utafanyika kuanzia saa mbili asubuhi leo (jana),” alisema.
WanaCCM hao waliamua kukesha ili kulinda kura hizo zisibadilishwe wakidai kuna njama za ‘kumbeba’ mgombea mmoja.
Kinogozi alisema matokeo hayajatangazwa kwa sababu ya malalamiko ya mmoja wa wagombea na kwamba yatatangazwa baada ya uhakiki utakaofanywa na wagombea wote. Wanaowania nafasi za udiwani ni Musolo Pazi, Magina Lufungulo, Barua Mwakilanga, Abdallah Jaza na Mushokeli Mandali.

HUU NDIO UJUMBE ALIOANDIKA ALIYEKUWA MKURUGENZI WA TAMWA JUU YA MH. LOWASSA..NI BALAAH TUPU..USOME TU

Mimi Ananilea Nkya tatizo langu kubwa kwa Lowassa lilikuwa ni ufisadi wa Richmond uliotafuna zaidi ya shilingi bilion 172 za wananchi. Baada ya kusikia kauli yake alipohojiwa na wanahabari siku alipojiunga na CHADEMA, na baada ya kujiridhisha kuwa kama alikuwa amehusika na ufisadi wa Richmond leo angelikuwa jela kama Yona na Mramba, namuunga mkono kugombea Urais. Naamini hata Dr Slaa amemkubali Lowassa kuwa mgombea Urais wa vyama vinanyounda UKAWA baada ya kujiridhisha kuwa mamlaka ya juu ilimbebesha Lowassa kashfa ya Richmond ili kunusuru serikali nzima kuanguka. 
Lakini zaidi nimeongeza imani yangu kwa Lowassa baada ya kubaini kuwa hata Baba wa Taifa Julius Kambarage Nyerere alimuona kama kijana makini mwenye maono na dhamira safi ya kuwatumikia Watanzania. Mwaka 1995 wakati Rais mstaafu Ali Hassan Mwinyi anamaliza muda wake mwandishi wa habari Mwita Matinyi alimuliza Mwalimu Nyerere alikuwa anafikiri ni nani angeweza kumrithi Mwinyi kuiongoza Tanzania. Mwalimu alijibu Matinyi hivi. Nanukuu: Ni kweli Mzee Mwinyi anaondoka lakini ndani ya CCM kuna viongozi wengi wenye sifa za kuwaongoza Watanzania, kikubwa tu awe na dhamira kwa mfano wapo wakina Warioba, Mzee Msuya na Mark Bomani na wapo vijana hodari na wenye upeo mkubwa sana kama Mkapa, Kikwete na Lowassa ni jambo la heri sana CCM kuwa na watu kama hawa (Majira 26/5/1995) ukurasa wa 3; na Nipashe 26/5/95 ukurasa wa 3). 
Pia nikiwa ripota Radio Tanzania Dar es Salaam niliwahi kufanya kazi na Lowassa katika miaka ya 90. Nilivyouona utendaji wake wa kazi zama hizo nashawishika kwamba anafaa kuwa kiongozi wa nchi yetu. Nilishuhudia akijituma kweli kweli kwenye kazi za umma zama hizo. 
Kadhalika namuunga mkono Lowassa kwa sababu hagombei Urais kupitia chama cha CCM ambacho kinakumbatia mfumo wa kuwadharau na kuwafukarisha wananchi huku watawala wachache wakineemeka kwa kutumia rasilimali za nchi kama vile nchi hii ni mali ya watawala, familia zao na marafiki zao. Ninaamini kwa kugombea Urais kupitia UKAWA, CCM itapunguziwa dharau na jeuri yake dhidi ya wananchi ambao ndio wenye mamlaka ya mwisho kuhusu hatma ya nchi yetu. Mfano CCM mwaka jana 2014 ilionyesha dharau kubwa sana kwa wananchi kwa kuizika Rasimu ya Katiba iliyotengenezwa kwa kutumia maoni ya wananchi wakati fedha zaidi ya bilioni 130 zilitumika. Kwa kutumia mabilioni hayo bila Katiba Mpya kupatikana ni kufisadi mali za wananchi mchana kweupe. Haikubaliki. 
Vile vile namuunga mkono Lowassa kwa kwa sababu anaukataa hadharani umaskini wa kuchongwa ambao watawala wanautumia kwa faida yao ili waendelee kuwanunua wananchi mafukara wakati wa uchaguzi na wakishapata madaraka waendelee kujineemesha na mali za nchi. 
Nchi yetu siyo maskini bali watawala wanaendekeza matakwa ya wawekezaji (wakoloni wa zama hizi za utandawazi wizi) ambao wanaliibia taifa rasilimali nyingi na na hatimaye nchi za wawekezaji hao (donors)wanawapoza watawala kwa vijimisaadaa uchwara. Ni aibu sana kwa kiongozi wa Tanzania kijipitisha nchi moja hadi nyingine Marekani, Ulaya, China, India na Ausralia n.k kutembeza bakuli (omba omba kama matonya vile) huku nchi yetu ikiwa na rasilimali tele. Tena wakati watawala wanakwenda kuomba eti wanapanda ndege daraja la kwanza. Huu ni wenda wazimu. Ni kuiaibisha Tanzania na Afrika. Sina chama cha siasa ninachofungamana nacho kwa sasa, lakini namuunga mkono Lowassa kugombea Urais kupitia UKAWA kwa sababu naamini akiwa Rais wa nchi yetu upuuzi huu wa kuendekeza umaskini kwa kuomba omba nchi za nje huku tukitoa mali za nchi honyo hovyo kwa wageni na kuamini kuwa maendeleo ya nchi yetu yataletwa kwa misaada kutoka nje, kutakomeshwa. Naamini hata hao wakoloni wa zama hizi za utandawazi wizi wanajua Lowassa hatachekacheka nao. 
Lakini zaidi namuunga mkono Lowassa kwa sababu Watanzania wakiridhia kwenye sanduku huru la kura hapo Oktoba awe Rais wa Tanzania, vyama vinavyounda UKAWA vitasimamia kuhakikisha kuwa mamlaka ya wanannchi hayaporwi hovyo hovyo tena. Kwa hiyo Rasimu ya Katiba ya wananchi itaheshimiwa na nchi yetu itapata Katiba Mpya inayotokana na maoni ya wananchi. Kwa kufanya hivyo taifa hili litaanza kupiga hatua kubwa ya kuondoa ufukarishwaji wa wananchi walio wengi unaofanya na watawala wa CCM kwa kushirikiana na wakoloni wa zama hizi za utandawazi wizi. 

WANABEBWA NA SHEPU ZAO!

Elizabeth Michael 'Lulu'.
Makala: Deogratius Mongela
Umaarufu na ustaa wao kamwe haulingani na matunda ya kazi zao! Unajua kinachowabeba na kuwaweka mjini baadhi ya mastaa Bongo? Ni muonekano wa shepu na maumbo bomba waliyojaaliwa na Mwenyezi Mungu!
KHADJA SAID ‘KADIJANITO’
KHADJA SAID ‘KADIJANITO’
Mwanadafada Khadja Said ‘Kadijanito’ kutoka Nyumba ya Vipaji (THT) alitusua na ngoma ya Maumivu na kumtambulisha vema katika ramani ya muziki wa Bongo Fleva kwa kuliteka gemu na kujihakikishia nafasi ya kupendwa na mashabiki wa muziki huo kutokana na uwezo wake, ingawa anatajwa kama msichana mwenye mvuto kwa wanaume.
ESTER KIAMA
Ni staa wa kike kutoka kiwanda cha filamu Bongo. Ester ameweza kupenya kwa kasi na kuwapa presha mastaa wakongwe wa kike wa tasnia hiyo kutokana na ulimbwende wake kwa kuwadatisha vikali wanaume kutokana na staili yake ya kupenda kuvaa nguo fupi. Ester anadaiwa kutoaka kimalavidavi na msanii nguli na mtayarishaji wa filamu, Kulwa Kikumba ‘Dude’.
ASHA SALUM ‘KIDOA’
Kidoa ni video queen aliyepenya kupitia Ngoma ya Akadumba ya staa wa Bongo Fleva, Emmanuel Elibariki ‘Nay wa Mitego’ na kuwa gumzo kwenye mitandao mbalimbali ya kijamii kutokana na muonekana wake ulioleta ushindani kwa mastaa wengine huku baadhi wakidai kuwa umbo lake siyo la asili bali la dawa za Kichina.
LULU SEMAGONGO ‘AUNTY LULU’
Aunty Lulu alishawahi kuwa Mtangazaji wa Kituo cha Televisheni cha C2C, baadaye akaibukia kwenye filamu za Kibongo na kupenya kiulaini huku umbo lake likitajwa kumbeba zaidi. Pia alishawahi kuandikwa kutoka kimapenzi na mwigizaji mwenzake, Bond Bin Suleiman ambaye ni meneja wa msanii Wastara Juma.
AGNESS GERALD ‘MASOGANGE’
Masogange anatajwa kuwa miongoni mwa wanawake wenye mvuto wa kimapenzi na kivutio kikubwa cha wanaume kutokana na umbo lake. Mwanadada huyo alipata umaarufu na kubaki kileleni baada ya ‘kushaini’ kwenye ngoma ya Masogange ya msanii Abednego Damian ‘Belle 9’, mwaka 2008 na kuteka anga la Bongo Fleva. Alishawahi kukwaa skendo ya kutoka na msanii Khalid Ramadhan ‘Tunda Man’ wa Kundi la Tip Top Connection.
ELIZABETH MICHAEL ‘LULU’
Staa ambaye nyota yake ilianza kung’ara tangu utotoni kupitia michezo ya runingani na kuendelea kukua kwa kasi kubwa na kuweza kutingisha tasnia ya filamu Bongo.
Lulu anatajwa kuwa ndiye mrembo pekee ambaye alishawahi kuingia katika kinyang’anyiro cha warembo wenye mvuto Afrika Mashariki huku akikwaa skendo mbalimbali ikiwemo ya kutoka na marehemu Steven Kanumba.
© Copyright TUANGAZE BONGO
Back To Top