Featured


Loading...

KAJALA AANGUSHA PATI YA MIL.7

Staa wa filamu Bongo, Kajala Masanja juzi kati aliangusha bonge ya pati iliyogharimu takriban shilingi milioni saba ikiwa ni sehemu ya kujipongeza kwa kazi ngumu ya ujaji aliyokuwa akiifanya kwenye shindano la kusaka vipaji la Kinondoni (K.T.S) ambapo kwenye pati hiyo watu walikunywa, kula na wengine walilewa kwa pombe kali.
Staa wa filamu Bongo, Kajala Masanja akiwakaribisha wageni waalikwa.
Akichonga na Ijumaa, Kajala alisema aliamua kufanya pati hiyo kwa sababu kazi aliyokuwa nayo haikuwa rahisi lakini pia ilikuwa ni lazima awapongeze washiriki wote walioingia fainali.
“Nimeona nami nitumie fursa hii kuwapongeza washiriki wote waliongia kwenye fainali ya shindano hilo, pia ni muda muafaka wa kuongea nao mambo machache niliyoahidi kuwafanyia,” alisema Kajala.

SLAA NI SHUJAA WA TAIFA

Aliyekuwa Katibu Mkuu wa Chama cha Demokrasia na Maendeleo (Chadema), Dokta Wilbroad Slaa.
Na Amran kaima
HOTUBA ya kwanza tangu ‘atoweke’ kwenye anga za siasa ya aliyekuwa Katibu Mkuu wa Chama cha Demokrasia na Maendeleo (Chadema), Dokta Wilbroad Slaa, aliyoitoa juzi Jumanne juu ya kujiweka pembeni, imepokelewa kwa hisia tofauti huku wengi wakimuita kuwa ni shujaa wa taifa kutokana na ujasiri wake, Ijumaa lina kila kitu.
Katika mahojiano yaliyowahusisha wananchi na wachambuzi mbalimbali wa mambo ya kisiasa kwa nyakati tofauti jijini Dar es Salaam mara baada ya kiongozi huyo kukutana na waandishi wa habari, waliliambia Ijumaa kuwa, Dokta Slaa ni mtu wa aina yake ambaye taifa halijapata kuwa naye tangu kuondoka kwa Baba wa Taifa, Mwalimu Julius Nyerere.
Mwenyekiti wa Chadema na Mbunge wa Hai, Mhe. Freeman Mbowe.
Ana msimamo
Wengi walionesha kufurahishwa na misimamo ya kiongozi huyo tangu ajiingize kwenye masuala ya siasa, kwani siku zote amekuwa mstari wa mbele kuwatetea wanyonge, kuanika maovu na kukemea kila analoliona lipo tofauti na anavyoamini.
“Kwa kweli mnyonge mnyongeni lakini haki yake mpeni, Dk. Slaa ni kati ya viongozi wenye msimamo asiyekubali kuyumbishwa. Amekuwa hivyo tangu nilivyomjua na hata hotuba yake aliyoitoa juzi, inadhihirisha hilo,” alisema Chande Juma wa Kinondoni jijini Dar.
Alisema kama mtu alifuatilia vizuri mazungumzo yake, ni wazi kuwa viongozi wenzake walikubali kubadili msimamo ili kumwezesha Lowassa aingie Chadema, lakini yeye akakataa licha ya kamati ndogo kuundwa ili imshawishi alegeze msimamo.
Mgombea urais kupitia Chadema(Ukawa) Edward Lowassa.
Rushwa ni adui mkubwa kwake
Mchambuzi mmoja wa habari za siasa aliyeomba hifadhi ya jina lake, alisema siku zote anamtambua Dk. Slaa kama mtu mwenye kuichukia rushwa, kwani anaamini hicho ndicho chanzo cha matatizo yote yanayosababisha kero za wananchi kutoisha, licha ya nchi kuwa na rasilimali za kutosha.
“Unampata wapi sasa hivi aina ya kiongozi ambaye anaweza kukataa rushwa ya shilingi milioni 500 akitetea masilahi ya wananchi masikini? Viongozi wetu wa sasa kila mtu anaweka mbele masilahi yake na familia yake, suala la kuwatetea wanyonge wanalifanya kama maigizo tu,” alisema mchambuzi huyo, akikumbushia jinsi mbunge huyo wa zamani wa Karatu alivyokataa kiasi hicho cha fedha ili ashiriki kuzuia ripoti ya Kamati ya Bunge juu ya sakata la Richmond isisomwe bungeni.
Maneno kama hayo yalisemwa pia na mkazi mmoja wa Sinza, Nicholaus John akirejea jinsi alivyokataa rushwa ya uongozi pale alipoahidiwa kazi nje ya nchi, ilimradi tu akubali kuachia ubunge wake katika Jimbo la Karatu.
Kwake ni taifa kwanza
Kitendo chake cha kueleza kuwa alitumia sehemu kubwa ya mshahara wake kumpa mkewe ili afanye ziara ya kuzunguka nchi nzima katika harakati za kukijenga chama, ni kielelezo kuwa kiongozi huyo anajali ustawi wa taifa kwa namna anavyoamini kuliko maisha binafsi ya familia yake.
“Slaa amekuwa akitanguliza masilahi ya taifa kwenye siasa zake, kama mtu anakubali yeye na familia yake wale mihogo na maharage ili kipato chao kitumike kwenye mambo ya siasa, unadhani ana uchungu kiasi gani na taifa hili?” alihoji Mama Saidi wa Mwananyamala jijini Dar.
Kuweka maisha yake rehani
Kitu kingine kinachofanya wananchi wengi kumuona Dk. Slaa kuwa ni shujaa wao ni kitendo chake cha kukubali kuweka maisha yake rehani, ilimradi tu mambo makubwa na muhimu ya nchi yanasemwa hadharani na kila mmoja ayasikie.
“Ni nani atakuwa tayari kufa kwa kuwataja watu majina kwenye uovu, tena watu hao ni vigogo wenye fedha na mamlaka ambao wanaweza kumfanya lolote. Fikiria kitendo chake cha kutaja majina ya mafisadi papa wakati ule. Huu ni ujasiri wa aina yake,” alisema Liffa Jason, mwenyeji wa Shinganya aliye Dar kibiashara.Walisema Dk. Slaa alifanya hivyo akijua yeye binafsi hafaidiki na lolote, lakini aliweza kuwataja ili kuwafunua wananchi wawajue watu wanaoitafuna nchi yao.
Hana tamaa
Kingine kilichoelezwa na watu hao ni kwamba kiongozi huyo hana tamaa ya fedha wala madaraka, kwani alikubali kuacha ubunge, wenye mshahara na marupurupu mengi na kwenda kufanya kazi ya kukijenga chama, kitu ambacho alifanikiwa kwa kiwango kikubwa.
Lakini kikubwa zaidi, wamedai kwamba Dk. Slaa angeweza kunyamaza kimya na kufanya kazi ya kumnadi Lowassa, kwani kwa vyovyote mwisho wa siku angepata kuteuliwa katika nafasi kubwa na nyeti serikalini.
“Kiukweli hana tamaa, naamini angekaa kimya na ukatibu mkuu wake wa chama, bado maisha yake yangekuwa mazuri, kaamua kujiweka pembeni bila kujali athari atakayoipata ili tu asikumbatie mafisadi ndani ya Chadema,” anasema Elika wa Chuo Kikuu cha Dar es Salaam.
Apewe ulinzi
Kwa kuzingatia mambo yote yanayoendelea katika maisha yake ya kisiasa, wananchi waliozungumza suala hili walitaka kiongozi huyo ambaye sasa yuko nchini Italia kupewa ulinzi, kwani kazi yake kubwa kwa nchi inawakera watu wachache wanaoweza kumdhuru kwa namna yoyote.
“Unajua tangu siku alipoongea na kuwalipua viongozi wa Ukawa, ni lazima kutakuwa na vitisho, wengine wamemtukana na kudai kajidhalilisha, lakini ukweli unabaki palepale kuwa yeye ni shujaa na anastahili ulinzi ili wasitokee wa kumdhuru,” alisema Modesta George wa Oysterbay jijini Dar na kuongeza:
“Lakini pia kwa kila mwenye mapenzi na nchi ya Tanzania, anayechukia ufisadi, rushwa na uonevu ndani ya vyama vya siasa anayeona kuwa alichokifanya Slaa ni kitendo cha kishujaa, tuungane kumuombea ili Mungu amuepeshe na balaa.”
Aibomoa VIBAYA Ukawa, aacha majeraha
Kitendo chake cha kutoa maneno makali kwa viongozi wenzake wa Chadema na Ukawa, kimesababisha majeraha kwa umoja huo, kwani viongozi sasa wamegawanyika juu ya nani ni mkweli kati ya yanayosemwa kuhusiana na sakata zima la Dk. Slaa.
“Dk. Slaa ametuacha njia panda, sasa kama yeye alikataa kumkaribisha fisadi bila kutimiza masharti, lakini wenzake wakafanya ina maana sisi sasa tushike lipi?” alihoji Bruno Kei wa Tegeta Kibaoni.
Slaa vs Chadema, Lowassa
Siku moja baada ya Dk. Slaa kutoa hotuba yake hiyo iliyowasisimua mamilioni ya Watanzania wenye uchungu na nchi yao, baadhi ya viongozi wa chama chake wameibuka na kumtetea mgombea wao, Edward Lowassa wakisema kilichotokea katika kumkaribisha kiliridhiwa na pande zote, akiwemo katibu huyo.
Mwanasheria Mkuu wa Chadema, Tundu Lissu akihojiwa na BBC, alisema Dk. Slaa ni mwongo, kwani kama kulikuwa na masharti yoyote ambayo yeye aliweka kwa ujio wa Lowassa, basi yeye alipaswa kushirikishwa kama mtu wa sheria, kitu ambacho hakikuwahi kufanyika.
Naye Mwenyekiti Mwenza wa Ukawa, James Mbatia akijibu madai ya Dk. Slaa, alidai kuwa alichokisema Dokta Slaa ni siasa nyepesi zinazoonyesha kushindwa.
“Tupambane kwa hoja badala ya uchochezi kwa sababu sisi sote tutapita ila nchi yetu itabaki, maneno yote ya Dk. Slaa yalijaa uchochezi ila kwa kifupi ni kwamba, sisi katika Ukawa tupo pamoja na tunamuunga mkono mgombea wetu.”

SHAMSA: MASTAA TUSIWEKEANE MABIFU KISA, SIASA

STAA wa filamu Bongo, Shamsa Ford.
STAA wa filamu Bongo, Shamsa Ford amewaasa wasanii kuwa wasigombane na kuwekeana mabifu kisa siasa kwani baada ya mchakato huo watarudi kukaa pamoja na kufanya kazi zao kama kawaida.
Akipiga stori na Ijumaa, Shamsa alisema mastaa kwa sasa wanagombana na kutoleana maneno machafu, kitu ambacho si kizuri kwa kazi zao kwani wote wanategemeana.
“Hiki ni kipindi cha mpito tu, mimi nawashauri mastaa wenzangu wasifikishane pabaya kisa siasa, tushindane kwa sera kupitia vyama vyetu lakini si kugombana na kutoleana maneno machafu, kesho na keshokutwa najua tutakutana tu kwenye kazi zetu tena,” alisema Shamsa.

Vijana 100 Arusha wamuunga mkono Slaa, wajiunga ACT

WANACHAMA zaidi ya 100 wa Chadema, NCCR-Mageuzi na CUF wameandamana mjini Arusha na kuchoma moto bendera na kadi za vyama hivyo, wakimuunga mkono aliyekuwa Katibu Mkuu wa Chadema, Dk Willibrod Slaa.
Watu hao waliandamana jana na maandamano hayo yamefanyika siku mbili baada ya Dk Slaa kutangaza hadharani, Dar es Salaam kuwa ameachana na siasa.
Wakiwa katika maandamano yaliyoambatana na kubeba mabango yenye ujumbe mbalimbali, wanachama hao wengi wao wakiwa vijana, walijiunga na Chama cha ACTWazalendo, wakidai kuwa hawawezi kuviunga mkono vyama vyao vya zamani kwa kuwa vimenunuliwa na mafisadi.
Huku wakiimba nyimbo za kuvishutumu vyama vyao vya zamani (Chadema, NCCR-Mageuzi na CUF), vijana hao walidai kuwa hawako tayari kuendelea kuviunga mkono vyama hivyo kwa sababu vimeonesha wazi kuwa havina ajenda ya kuwasaidia Watanzania masikini, bali vinawakumbatia matajiri na hivyo kupoteza mwelekeo wa kisiasa.
Mmoja wa viongozi wa maandamano hayo, Hassan Juma aliyedai kuwa mwanachama wa Chadema tangu mwaka 2005, alisema chama hicho kimenunuliwa na mafisadi na kuwa hakiwezi tena kuwasemea wanyonge ambao ndio wamekuwa tegemeo lao na hivyo hawana sababu tena ya kukiunga mkno katika Uchaguzi Mkuu wa mwaka huu.
“Mimi nilikuwa naamini katika sera za Chadema za kupambana na ufisadi tangu nilipojiunga nacho mwaka 2005, lakini sasa imedhihirika walikuwa wanatutumia vijana kwa ajili ya malengo yao binafsi na kwa hiari yangu nimeamua kuachana nacho na nataka kuwa mwanachama wa ACT-Wazalendo ambao ni tegemeo la wanyonge hivi sasa nchini,” alisema Juma akiungwa mkono na wenzake wakiwa katika ofisi za ACTWazalendo Arusha.
Mwanachama wa NCCR-Mageuzi aliyejitambulisha kwa jina la Eliphas, alisema viongozi wakuu wa vyama hivyo wamekuwa na tabia ya kuwaburuza kwa kufanya maamuzi ya kuwanufaisha wao wenyewe na hilo limewachefua na wameamua kuachana na chama hicho ili kujiunga na chama chenye mwelekeo unaofanana na watu wa chini.
“Kwa hali ilivyo hivi sasa ndani ya Ukawa ni afadhali hata kule CCM ambako tulikimbia zamani kwa kuwa hakuna demokrasia kabisa, viongozi wananunuliwa ovyo, hatuna ajenda ya kuisimamia sasa ni bora tuachane na walanguzi hao wa kisiasa na tuungane na vyama ambavyo tunaona wazi kwamba vitatetea maslahi yetu. “Hatuwezi tukalaani ufisadi ukiwa ndani ya CCM halafu ukija kwetu tunaukumbatia na kuuhalalisha. Tuliondoka CCM kwa sababu ya ufisadi na mizengwe na sasa tunaona kwamba viongozi wetu wameyakaribisha na kuyakumbatia bila aibu yoyote mambo hayo na kamwe hatukubaliani na hilo na ndio maana tunaondoka na wenzetu wengine wengi wapo njiani kutufuata,” alisisitiza Eliphas huku akichoma moto kadi yake ya NCCR-Mageuzi.
Miongozi mwa maneno yaliyoandikwa katika mabango waliyobeba wanachama hao ni pamoja na ‘Mbowe ameuza chama chetu kwa fisadi Papa,’ ‘Lowassa angekuwa mwanao amelawitiwa ungemwachia Babu Seya?’ na Bye bye Chadema, bakini kwa mafisadi wenu.’
Hata hivyo, Katibu wa Chadema Kanda ya Kaskazini, Amani Golugwa alisema vijana hao ni mamluki waliopangwa na CCM na kwamba wana taarifa za mikakati ya kuwanunua vijana ili waandamane wakionesha kuwa wanaipinga Chadema wakati ni mamluki tu wa kisiasa ambao hawana chochote zaidi ya kuganga njaa.

Tanesco yamshtaki Askofu Gwajima Polisi

SHIRIKA la Umeme Tanzania (TANESCO) limeishtaki polisi Kanisa la Ufufuo na Uzima, linaloongozwa na Askofu Josephat Gwajima kutokana na kuharibu miundombinu ya umeme katika maeneo ya shirika hilo Jumamosi iliyopita na kusababisha umeme kukatika kwa baadhi ya mikoa na Jiji la Dar es Salaam.
Kutokana na kukatika kwa umeme kwa muda huo, shirika limepata hasara ya zaidi ya Sh milioni 30 ambayo ni mapato kama kungekuwepo umeme mbali na usumbufu mwingine wlaiopata kama kuwasha mitambo upya.
Meneja Uhusiano wa Tanesco, Adrian Severin alisema shirika hilo limefungua jalada namba 4397/2015 dhidi ya kanisa hilo katika Kituo cha Polisi Kimara katika Manispaa ya Kinondoni kwa sababu hiyo.
Severin alisema kuwa Agosti 29, mwaka huu kuanzia saa tisa alasiri hadi saa 12 jioni, umeme ulikatika katika Jiji la Dar es Salaam na mikoa iliyoungwanishwa katika gridi ya Taifa.
Alisema baada ya uchunguzi wa kina waligundua chanzo cha kuzimika umeme siku hiyo ilikuwa ni hitilafu ya umeme iliyotokea eneo la Ubungo Chai Bora kwenye kanisa hilo la Askofu Gwajima.
“Watu wanaosadikiwa kuwa watumishi wa kanisa hilo walikuwa wakishusha kontena kwa kutumia crane (winchi) chini ya nyaya za umeme wakati wakinyanyua kontena hilo liligusa laini ya msongo mkubwa wa kilovoti 132 inayopeleka umeme Zanzibar,” alifafanua Meneja Uhusiano wa Tanesco.
Severin alieleza kuwa tukio hilo lilisababisha mlipuko mkubwa ulioambatana na kuzimika kwa kituo kikubwa cha kupoozea umeme na mitambo ya kuzalisha umeme iliyopo Ubungo jijini Dar es Salaam.
“Kukatika huko kwa umeme kuliathiri shughuli za uchumi na kijamii ikiwemo mikutano ya kampeni za siasa kwa baadhi ya vyama iliyokuwa unaendeleo katika Mkoa wa Dar es Salaam na mikoa mingine,” alisema ofisa huyo.
Siku hiyo ilikuwa na uzinduzi wa kampeni za urais za Chama cha Demokrasia na Maendeleo (CHADEMA) na baadhi ya watu walihusisha tukio hilo kuwa ni makusudi na hujuma za kisiasa; jambo linalothibitika si kweli.
Meneja Uhusiano wa Tanesco alisisitiza kwamba kukatika kwa umeme siku hiyo, haikuwa makusudi au kwa nia ya kuhujumu vyama vya siasa, kama ambavyo imekuwa ikielezwa na baadhi ya watu kwenye vyombo vya habari na hasa mitandao ya kijamii.
Kwa upande wake, Askofu Gwajima alipoulizwa kwa simu kuhusu tuhuma hizo, alisema hana taarifa na ndiyo kwanza anazisikia kutoka kwa mwandishi, licha ya kuwepo taarifa za Tanesco kuonana na uongozi wa kanisa hilo na kuzungumzia jambo hilo. Kamanda wa Polisi Mkoa wa Kinondoni, Camilius Wambura alisema hajapata taarifa hizo na atazifuatilia.

Magufuli: Nilikwepa vishawishi vya rushwa

MGOMBEA urais wa Chama Cha Mapinduzi (CCM), Dk John Magufuli ameelezea namna alivyokuwa akikwepa vishawishi kutokana na hulka yake ya kusimamia uadilifu, uchapakazi na utoaji huduma kwa umma kwa wakati.
Akizungumza katika ziara yake ya siku kumi katika mikoa saba iliyoisha juzi katika Mkoa wa Mtwara, alikokuwa akinadi Ilani ya Uchaguzi ya CCM ya 2015-2025, Dk Magufuli alisema yeye si tajiri, lakini kazi aliyokabidhiwa ilikuwa na vishawishi vingi vya kutajirika.
Kishawishi cha kwanza kilichokuwa mbele yake kwa mujibu wa Dk Magufuli, ni idadi kubwa ya wataalamu wa fani mbalimbali za ujenzi walio chini yake ambao amekuwa akiwapa kazi za mabilioni ya fedha.
Alisema amekuwa akisimamia sekta yenye makandarasi 8,500, wahandisi zaidi ya 15,000 na wakadiriaji majengo zaidi ya 1,300 ambao katika usimamizi huo wamenufaika na kazi za Serikali za mabilioni ya shilingi.
Alitoa mfano wa kada ya wakandarasi hao 8,500, ambao alisema angetaka kumuomba kila mmoja wao ampe Sh milioni moja tu kwa mwaka, sawa na Sh milioni 85 kwa mwezi, angeweza kujikusanyia pato binafsi lisilo halali la Sh bilioni 102 kutoka kwa kada hiyo moja tu ya ujenzi kila mwaka.
“Pamoja na kuwa karibu na kishawishi hicho, lakini sikula hata senti moja na kama kuna hata mmoja anayeweza kusema niliwahi kumuomba fedha, ajitokeze,” amekuwa akisema kwa kujiamini.
Katika kuonesha alivyo muadilifu na asivyo na shaka katika kusimamia kazi zenye thamani kubwa, Dk Magufuli alisema pale makandarasi hao walipozembea kazi, aliwafukuza kazi makandarasi 3,000 bila kujali utajiri wao, kwa kuwa kwake alijali kazi tu.
Mbali na kusimamia watu wenye kada hizo za ujenzi nchini huku akiwapa kazi za mabilioni ya shilingi, Dk Magufuli alisema pia Wizara aliyoiongoza kwa muda mrefu ya Ujenzi, ndiyo imekuwa ikipewa fedha nyingi ambapo mwaka jana ilikabidhiwa bajeti ya Sh trilioni 1.2 za wizara, huku Mfuko wa Barabara ulio chini ya wizara hiyo, ukikabidhiwa zaidi ya Sh bilioni 866.
Kwa mujibu wa Dk Magufuli, akipiga hesabu ya fedha za umma alizosimamia kwa ajili ya miradi ya ujenzi wa barabara inayofikia kilometa 17,000 nchini, katika miaka 10 ni zaidi ya Sh trilioni 9.5, lakini hakula hata senti tano, badala yake akajenga mtandao wa barabara za lami nchi nzima.
Dk Magufuli alisema Serikali aliyoitumikia kwa miaka 20 na rasilimali anazozifahamu za nchi ikiwemo gesi, vinaonesha wazi kuwa nchi ni tajiri, hivyo inahitaji mtu mwadilifu kusimamia utajiri huo ushuke kwa watu.
Mgombea huyo aliyenadi ilani hiyo kwa kutembelea wananchi wa vijijini na mijini kwa gari kwa zaidi ya kilometa 3,500 za barabara za vumbi na lami kutoka Katavi mpaka Rukwa, Songwe, Mbeya, Njombe, Ruvuma mpaka Mtwara alielezea kwa ufupi namna nchi ilivyo tajiri.
Alisema kuwa nchi ni tajiri yenye kila aina ya rasilimali ya bahari na mito, ardhi na mbuga na hifadhi za taifa, madini ya aina mbalimbali ya vito na ujenzi na hazina kubwa iliyogundulika hivi karibuni ya gesi, huku kukiwa na uwezekano wa kupatikana kwa mafuta.
Matumizi sahihi ya rasilimali hizo kwa mujibu wa Dk Magufuli, ndiyo utajiri unaoizunguka nchi ambayo amekuwa akisema atautumia kwa uadilifu ili umnufaishe kila mmoja. Alisema umasikini wa Watanzania umeshuka kutoka asilimia 32 mpaka asilimi 28, lakini kwa utajiri uliopo kazi ya Rais ajaye ni kuhakikisha umasikini unashuka zaidi na hili litawezekana kwa kuwa na kiongozi uadilifu atakayesimamia vizuri utajiri wa nchi.
Alikiri kuwa ndani ya CCM na katika Serikali kuna mchwa wa rasilimali za Taifa, lakini akajinasibu kuwa wabadhirifu hao ndani ya chama na Serikali waliposikia ameteuliwa kugombea urais, wameanza kukimbia wenyewe.
Dk Magufuli alisema katika kusimamia vita dhidi ya rushwa na ubadhirifu, ambao umechangia kwa kiasi kikubwa kuwepo kwa umasikini nchini, CCM katika Ilani yake imedhamiria kuanzisha Mahakama Maalumu ya Makosa ya Rushwa na Uhujumu Uchumi.
Aliwaomba wananchi wa kipato cha chini kwa kuwa wako wengi, wampigie kura kwa wingi, kwa kuwa wabadhirifu hao ambao ni wachache hawampendi, hawatampigia kura na watafanya mbinu nyingi ili asiingie Ikulu.
Kuhusu kukiondoa CCM madarakani kutokana na tuhuma za rushwa na ufisadi, Dk Magufuli alisema ingawa tayari baadhi ya watuhumiwa wameanza kumkimbia, lakini chama hicho pia kina mema mengi kilichofanya na kinachohitaji ni mabadiliko ndani yake, ili kilete mabadiliko kwa Watanzania.
Alitoa mfano wa China, kuwa baada ya miaka mingi ya ukomunisti, chama chao cha kikomunisti hawakukiondoa madarakani ili kufanya mabadiliko, bali walifanya mabadiliko ndani ya chama hicho, ndio wakaleta mabadiliko kwa Wachina, ambayo leo si tu yanaishangaza nchi kubwa ya Marekani, bali hata dunia nzima.
-HABARI LEO

LOWASSA NI KIBOKO YAO, APATA MAPOKEZI MAKUBWA MKOANI KATAVI, JIONEE MWENYEWE HAPA




Chopa iliyowabeba Mgombea Urais wa Jamhuri ya Muungani wa Tanzania katika mwamvuli wa UKAWA kupitia Chama cha Demokrasia na Maendeleo (CHADEMA), Mh. Edward Lowassa pamoja na Mwenyekiti wake, Mh. Freeman Mbowe, ikitua kwenye Uwanja wa Shule ya Msingi Kashaulili, Mpanda Mkoani Katavi leo Septemba 3, 2015.CREDIT : OTHMAN MICHUZI
Mgombea Urais wa Jamhuri ya Muungani wa Tanzania katika mwamvuli wa UKAWA kupitia Chama cha Demokrasia na Maendeleo (CHADEMA), Mh. Edward Lowassa, akiwapingia wananchi wa Mpanda, Mkoani Katavi.
Mwenyekiti wa Chama cha Demokrasia na Maendeleo (CHADEMA), Mh. Freeman Mbowe, akihutubia kwenye Mkutano huo wa Kampeni za Mgombea Urais wa Jamhuri ya Muungani wa Tanzania katika mwamvuli wa UKAWA kupitia Chama cha Demokrasia na Maendeleo (CHADEMA), Mh. Edward Lowassa, uliofanyika kwenye Uwanja wa Shule ya Msingi Kashaulili, Mpanda Mkoani Katavi leo Septemba 3, 2015. 
Mgombea Urais wa Jamhuri ya Muungani wa Tanzania katika mwamvuli wa UKAWA kupitia Chama cha Demokrasia na Maendeleo (CHADEMA), Mh. Edward Lowassa, akizungumza jambo na Mgombea wa nafasi ya Udiwani katika Kata ya Mtapenda, Bi. Pauline Pesnacy, mara baada ya kumnadi kwa wananchi wa Mpanda, waliofurika kwa wingi kwenye Uwanja wa Shule ya Msingi Kashaulili, Mpanda Mkoani Katavi leo Septemba 3, 2015, kulikofanyika Mkutano wa Kampeni na kunadi sera zake.

Mgombea Urais wa Jamhuri ya Muungani wa Tanzania katika mwamvuli wa UKAWA kupitia Chama cha Demokrasia na Maendeleo (CHADEMA), Mh. Edward Lowassa, akimnadi Mgombea Ubunge wa Jimbo la Mpanda Mjini, Jonas Kalinde, wakati wa Mkutano wa Kampeni za Urais, uliofanyika Uwanja wa Shule ya Msingi Kashaulili, Mpanda Mkoani Katavi leo Septemba 3, 2015.
Mgombea Urais wa Jamhuri ya Muungani wa Tanzania katika mwamvuli wa UKAWA kupitia Chama cha Demokrasia na Maendeleo (CHADEMA), Mh. Edward Lowassa, akizungumza na Mwimbaji wa nyimbo za Injili, Bahati Bukuku.
Furaha ya Vijana wa Mpanga.
Wanampanga wakiwa wameweka mikono juu kwa ishara ya kutaka Mabadiliko.
Baada ya kupigwa na jua kali, inabidi ajimwabie maji kupunguza ukali wa joto.

Mbunge aliemaliza muda wake wa Jimbo la Ole Zanzibar, Mh. Rajab Mbarouk akihutubia kwenye Mkutano huo.

Sehemu ya wanachana na wafuasi wa Chama cha Demokrasia na Maendeleo (CHADEMA), waliofika kwenye Mkutano wa Kampeni za Mgombea Urais wa Jamhuri ya Muungani wa Tanzania katika mwamvuli wa UKAWA kupitia CHADEMA, Mh. Edward Lowassa.
Waziri wa zamani wa Mambo ya Ndani, Lawrance Masha akizungumza na wananchi wa Mpanda.
Mgombea Ubunge wa Jimbo la Mpanda Mjini, Jonas Kalinde akizungumza na wanampanda wenzake wakati wa Mkutano wa Kampeni za Mgombea Urais wa Jamhuri ya Muungani wa Tanzania katika mwamvuli wa UKAWA kupitia CHADEMA, Mh. Edward Lowassa, uliofanyika kwenye Uwanja wa Shule ya Msingi Kashaulili, Mpanda Mkoani Katavi leo Septemba 3, 2015.
Wakisikiliza kwa Umakini.

Mwenyekiti wa Chama cha Demokrasia na Maendeleo (CHADEMA), Mh. Freeman Mbowe, akimkabidhi mfano wa funguo, Mgombea Urais wa Jamhuri ya Muungani wa Tanzania katika mwamvuli wa UKAWA kupitia Chama cha Demokrasia na Maendeleo (CHADEMA), Mh. Edward Lowassa.
Mgombea Urais wa Jamhuri ya Muungani wa Tanzania katika mwamvuli wa UKAWA kupitia Chama cha Demokrasia na Maendeleo (CHADEMA), Mh. Edward Lowassa, akihutubia kwenye Mkutano huo wa Kampeni, uliofanyika kwenye Uwanja wa Shule ya Msingi Kashaulili, Mpanda Mkoani Katavi leo Septemba 3, 2015
KUTAZAMA VIDEO BONY3ZA HAPO CHIN1

ALIYEKUWA MKE WA DR. SLAA AFUNGUKA MAZITO, AELEZA UONGO WOTE WA DR. SLAA, SOMA HAPA

Mbunge wa Viti Maalumu kupitia chadema,Rose Kamili,akizungumza na waandishi wa habari jijini Dar es Salaam leo jioni kuhusiana na tuhuma alizozitoa mume wake kwamba waliishi kwa maisha ya kula mihogo na familia yake ili kuhakikisha chadema inastawi na kuimarika jambo ambalo si la kweli walikuwa na maisha mazuri ya kawaida tu na kusema kuwa Dk.Slaa anapaswa awaombe radhi wataznzania kwa kufafanisha kula mihogo kuwa ni umaskini na kuongeza kwa kusema mbona ukienda katika mahoteli makubwa mihogo na viazi ipo na watu wenye pesa zao wanakula kama kawada.

akizungumzuia kuhusu matamshi aliyasema Dk.Slaa kwamba haongei na waziri mkuu mstaafu,Sumaye,mama rose kamili alisema kuwa wiki tatu zilizopita waziri mkuu huyo mstaafu aliomba namba za dk.slaa akampatia wakaongea vizuri bila shida yoyote ila anamshangaa juzi aliposema mbele ya waandishi wa habari kwamba hazungumzi na sumaye.

akizungumzia kuhusu kuja kwa lowassa chadema mama huyo alisema kuwa Dk.slaa alikuwepo katika kumkaribisha waziri mkuu mstaafu,Edward Lowassa kujiunga na chama hicho ni jambo la kushangaza akizungumza kwamba hakushiriki na pia wakati chokochoko hizo za kustaafu ukatibu wake alisema kuwa viongozi waandamizi wa chama cha mapinduzi walimfuata na kumshawishi kutoludi kwenye ukatibu mkuu wake huo atapewa ubunge wa kuteuliwa na rais atakayeapishwa na kupewa uwaziri katika serikali ya awamu ya tano.

Kamili alimaliza kwa kutoa rai kwa watanzania wote nchini kutomsikiliza Dk.Wilbrod Slaa na kuwasihi kuendelea kuwa na matumaini na mgombea wa urais wa Chadema,Edward Lowassa aliyesimamishwa na chama chao pamoja na umoja wa katiba ya wananchi (Ukawa) ili kukiondoa madarakani chama tawala.
KUTAZAMA VIDEO BONY3ZA HAPO CHIN1

AUNT EZEKIEL AFUNGUKA TENA KUHUSU CCM, SOMA HAPA ALICHOSEMA

STAA wa Bongo Movies, Aunt Ezekiel ‘mama Cookie’ amewajia juu wanaomsema kuwa amekikacha Chama Cha Mapinduzi (CCM) na kukimbilia Chama cha Demokrasia na Maendeleo (Chadema) kuwa hajazaliwa na chama hicho bali amezaliwa Kisarawe.

Aunt amesema kuwa hata kama huko alipo wakishindwa atakubali matokeo kwa kuwa lazima katika mchezo kuna upande utashinda na mwingine utashindwa hivyo atakubali yote.
“Ninachojua mwisho wa siku lazima kuna mshindi na mshindwa hivyo nakubali yote kwa sababu nampenda Lowassa na sijawahi kutamka kuwa mimi ni CCM kwa kuwa sijazaliwa kwenye chama hicho, nimezaliwa kijijini kwetu Kisarawe  "alisema Aunt kwa jazba.
<<< BOFYA HAPA HABARI ZAIDI >>>

KUTAZAMA VIDEO BONY3ZA HAPO CHIN1

MAIMARTHA ACHOMOLEA SIASA

Mtangazaji Maimartha Jesse.
Mwandishi wetu
Mtangazaji Maimartha Jesse ameibuka na kusema kuwa yeye kama mtangazaji hawezi kushabikia siasa akiamini siyo sahihi kufungamana na upande wowote ingawa kama Mtanzania atampigia kura yule anayeona anafaa.
Akizungumza na Ijumaa, Maimartha alisema kuwa anawashangaa mastaa kugombana kutokana na siasa na kuweka hadharani hisia zao wakati kikawaida hawakupaswa ili kutowagawa mashabiki wa kazi zao.
“Mimi siasa kwangu mwiko kiukweli ila kama Mtanzania nitampigia kura ninayeona anafaa kuwa rais wangu, kazi yangu hainiruhusu kiukweli,” alisema. Maimartha.

WALE MNAOTAKA KUIONA SURA YA MTOTO WA DIAMOND, SOMENI HAPA ALICHOSEMA DIAMOND

MKALI wa muziki wa Bongo Fleva, Naseeb Abdul ‘Diamond Platinum’ na mpenzi wake, Zarina Hassani ‘Zari’, wamekubaliana kutoonyesha sura ya mtoto wao wa kike, Tiffah hadi atakapofikia siku arobaini tangu kuzaliwa kwake.

Alisema makubaliano ya kuendelea kumficha mtoto huyo asionekane kwa jamii yametokana na makubaliano waliyonayo na makampuni mbalimbali yanayomdhamini.

Diamond alieleza hayo juzi katika kipindi kipya cha Uhondo kinachorushwa na Redio Efm chini ya uongozi wa Dinna Marios.

Alisema yeye na Zari walikuwa katika mazungumzo ya makubaliano na baadhi ya makampuni yanayotaka kuionyesha picha ya mtoto wao huyo kwa mara ya kwanza siku hiyo ya arobaini itakapofika.

“Hayo makampuni ndiyo yataionyesha picha ya mtoto wetu kwa mara ya kwanza siku hiyo ya arobaini itakapofika ndiyo maana tumekuwa tukijitahidi kuzuia watu wasipige picha na kuzisambaza mitandaoni hadi atakapotimiza siku hizo arobaini ili mchongo wetu usivuje,’’ alifafanua Diamond.
KUTAZAMA VIDEO BONY3ZA HAPO CHIN1

MISS TZ: NAJUTA KUBEBA TAJI 2015

Mrembo wa Tanzania 2014-2015, Lilian Kamazima.
Na imelda mtema
Mrembo wa Tanzania 2014-2015, Lilian Kamazima amefunguka kwa mara ya kwanza kuwa kuna kipindi anajuta kwa nini alijiingiza kwenye mambo ya urembo kwa mwaka huo kwani hakufaidi nafasi hiyo kutokana na adhabu ya kufungiwa ambayo ilimuathiri sana.
Akizungumza na Ijumaa hivi karibuni, Lilian alisema kuwa mara nyingi unaposhiriki unakuwa na matumaini ya kushinda na baada ya hapo uweze kufanya vitu vingi kwa jamii yako kama inavyotakiwa kwani hata waliopita walifanya hivyo, lakini inapokuja kinyume huwezi kuwa sawa.
“Nilipopata taji la urembo kutoka kwa Sitti, nilikuwa na malengo mengi sana kwa jamii yangu kama walivyofanya warembo wengine, lakini nilishindwa kwa sababu ya kufungiwa kwa mashindano hayo kwani hata kama ningeamua kufanya jambo fulani nisingeweza kwa kuwa ningetamka natokea Miss Tanzania nisingepewa msaada,” alisema Lilian.

BREAKING NEWZZ..!! TAARIFA MPYA KUHUSU WALE WATANZANIA WALIOTEKWA NA WAASI NCHINI CONGO, SOMA HAPA

MASHEIKH sita wa Tanzania waliochukuliwa mateka katika Jamhuri ya Kidemokrasia ya Congo (DRC) wameachiwa huru usiku wa kuamkia jana.

Akizungumza jijini Dar es Salaam jana, Katibu Mkuu wa Wizara ya Mambo ya Nje na Uhusiano wa Kimataifa, Liberata Mulamula, alisema Balozi wa Tanzania nchini DRC kwa sasa yupo njiani kuelekea katika mji mkuu wa nchi hiyo, Goma kwa ajili ya kuwaona mateka hao.

Alisema taarifa za kutekwa watu hao zilitolewa mwanzoni mwa Agosti mwaka huu ambapo Serikali ilifanya juhudi ya kufuatilia na kufanya uchunguzi juu ya taarifa hizo.

Mulamula alisema  inasemekena watu hao wa taasisi ya kuhubiri dini ya Kiislamu walitekwa na kikundi cha waasi ambapo hadi sasa hakijajulikana.

Alisema watekaji wao walidai wapewe kiasi cha dola za Marekani 40,000 (sawa na Sh milioni 128.7 ) ili wawaachie Watanzania hao huru ambapo waliwaomba kupunguziwa hadi kufikia dola 20,000.
 
“Nchi yetu haijawahi kutokea kukamatwa mateka, lakini tunaipongeza Serikali ya DRC kulifuatilia hili na kutupatia taarifa,”
alisema Mulamula.

Aliwataka wananchi wanaokwenda nchi za ugenini kutoa taarifa katika ubalozi au Wizara ya Mambo ya Ndani ili waweze kutambua haraka linapotokea tatizo kama hilo.

Kwa upande wake, Mkurugenzi wa Idara ya Mambo ya nje Zanzibar, Silima Kombo Haji, alisema watekaji hao walitumia ujanja wa kupiga simu kwa ndugu zao pamoja na watu wa karibu na Kijiji cha Goma.

Alisema juzi watekaji hao walikuwa wakipiga simu wakisisitiza kuwa muda umekwisha, hivyo fedha hizo zipelekwe haraka kabla hawajawadhuru.
KUTAZAMA VIDEO BONY3ZA HAPO CHIN1

MBOWE AMLIPUA DOKTA SLAA.. MSIKILIZE HAPA


KUTAZAMA VIDEO BONY3ZA HAPO CHIN1

BREAKING NEWS: SHINYANGA MJINI CHADEMA KIMENUKA, WAFUASI WA DR.SLAA WAKIHAMA CHAMA HICHO WASEMA BORA CCM IENDELEE

 
Picha haihusiki na habari hii
Hali isiyokuwa ya kawaida vijana wengi wafuasi wa CHADEMA Shinyanga mjini wamechana kadi, bendera na flana za chama hicho kwa madai kimepoteza misingi yake na mwelekeo kwa kuwapokea mafisadi Lowassa na kundi lake.
Wakiwa na hasira baada ya kuisikiliza kwa kina hotuba ya Dr Slaa jana vijana hao wameandamana na kukusanyika katika ofisi za chama hicho wakimshutumu vikali mwenyekiti wao Taifa Freeman Mbowe kwa kukiuza chama kwa Fisadi lowasa na kusababisha kuwaengua viongozi wa juu wa chama hicho akiwemo Dr slaa, Mnyika na Lisu wakiwa kwenye benchi huku chama kikitwaliwa na mafisadi Lowassa, Sumaye, Masha na makapi yao. 


BOFYA HAPA KUSOMA ZAIDI

Siku 10 kampeni za Dk Magufuli


Mgombea wa urais kupitia CCM Dk John Magufuli
By Nuzulack Dausen
Songea. Siku 10 tangu mgombea wa urais kupitia chama tawala (CCM), Dk John Magufuli alipozindua kampeni zake jijini Dar es Salaam zilizoambatana na ahadi mbalimbali kwa lengo la kuleta mabadiliko ya kasi na kuijenga Tanzania mpya, zilikamilika juzi.
Mgombea huyo anayetumia kaulimbiu ya ‘Hapa Kazi Tu’, amekuwa akisisitiza zaidi mabadiliko na kutangaza vita dhidi ya watendaji wazembe, wanaofanya kazi kwa mazoea akiwataka wajiondoe endapo ataingia Ikulu.
Alitimiza siku hizo 10 kwa mkutano mkubwa uliofanyika kwenye Uwanja wa Majimaji mjini Songea na kuhudhuriwa na maelfu ya wananchi.
Katika utekelezaji wa ilani ya CCM, Dk Magufuli amekuwa akiahidi baadhi ya vitu kama; elimu bure kuanzia darasa la kwanza hadi kidato cha nne, kuboresha huduma za afya kwa kujenga zahanati na hospitali kila kijiji, kata, wilaya na mkoa,
kukuza soko la mazao ya kilimo na ujenzi wa barabara za lami nchini.
Dk Magufuli anasema pia kuwa atakachokiangalia ni pensheni kwa wazee, mikopo ya Sh50 milioni kwa kina mama na vijana kwa kila kata, ujenzi wa viwanda, usambazaji wa huduma za umeme, maji na kuboresha masilahi ya wafanyakazi wote nchini na vyombo vya ulinzi na usalama.
Kwa kipindi hicho cha siku 10 kutoka Wilaya ya Mpanda Vijijini hadi Songea Mjini, mwandishi wetu ambaye ameambatana na mgombea huyo ameangalia kwa ufupi baadhi ya mafanikio na changamoto za kisera katika kampeni za Dk Magufuli.
Kuendana na ilani
Waziri huyo wa Ujenzi amekuwa makini kwenye kuahidi miradi mikubwa ya mabilioni ya fedha kama ujenzi wa daraja la Mto Ruhuhu, Barabara za Njombe – Makete, Tabora – Ipole – Koga – Mpanda, reli ya kisasa kutoka Mtwara – Songea – Mbamba Bay na matawi ya kwenda machimbo ya Mchuchuma na Liganga mkoani Mbeya.
Utoaji wa ahadi hizo umemfanya kuaminiwa na wananchi ambao wamekuwa wakitumia rekodi yake ya utendaji katika wizara alizowahi kuongoza miaka 20 iliyopita ikiwamo ya Ujenzi.
“Ninaamini anayosema atayatekeleza kwa sababu hata zile ahadi za barabara amezitekeleza kikamilifu. Ni mkali anasimamia mambo,” anasema Esau Bukila, mkazi wa Kijiji cha Lituhi, wilayani Nyasa.
Utoaji wa maagizo
Hata hivyo, ahadi hizo na sifa za utendaji za Dk Magufuli, wakati mwingine zimekuwa zikiambatana na maagizo ya moja kwa moja kwa watendaji husika hasa kwa wale wa Wizara ya Ujenzi ambayo anaisimamia licha ya kuwa yupo kwenye kampeni.
Akiwa Mbalizi, Mbeya Vijijini na Makongorosi wilayani Chunya, mgombea huyo alimwagiza Meneja wa Wakala wa Barabara Tanzania (Tanroads), atangaze haraka zabuni ya ujenzi wa barabara ya kilomita moja ya Mbalizi na Makongorosi.
“Mkuu wa Mkoa (Abbas Kandoro), nenda kamweleze meneja wa mkoa wa Tanroads ndani ya wiki moja aanze kutekeleza ujenzi wa hii barabara.
Mwambie aanze, nitazungumza na Ofisa Mkuu kule Dar es Salaam leo hii fedha zije aanze kufanya kazi lakini mengine nitayafanya nikiteuliwa,” alisema Dk Magufuli na kufafanua kuwa anaagiza kwa kuwa bado “ana kauwaziri wa ujenzi hata kama ni mgombea.”
Kuwafikia wananchi wengi
Ndani ya siku hizo, Dk Magufuli amekuwa akijitahidi kuhutubia karibu kila eneo analokuta wananchi wamejikusanya au wamemzuia asipite mara nyingi hadi awahutubie licha ya kutokuwapo kwenye ratiba ya mkutano.
Mwenyewe amekuwa akisema; “ameamua kufanya kampeni kwa kutumia barabara ili ayajue matatizo kwa kutaabika na wananchi.”
Hata hivyo, mtindo huo umekuwa ukigharimu utunzaji wa muda na wakati mwingine kumuathiri hadi ufanisi wa sauti kwa kuwa muda mwingi anautumia kuhutubia.
Utii wa kusimama katika kila mkusanyiko ulichangia kukausha sauti yake baada ya kuhutubia mikutano isiyopungua 12 ikilinganishwa na wastani wa mikutano mitano kwa siku wakati wa safari ya Vwawa - Chunya na kupunguza ufanisi wa kampeni za Kyela, Rungwe na Mbeya mjini siku iliyofuatia.
Kuunganisha makundi
Ni dhahiri Dk Magufuli anatafuta njia madhubuti ya kuwanadi wagombea ubunge wa chama hicho kwa wananchi lakini pia kuwaunganisha baadhi ya makada waliogawanyika baada ya mtifuano wa kura za maoni za uteuzi wa wabunge.
Katika mkutano amekuwa akiwanadi wabunge wa majimbo husika na haraka kuwaomba wananchi “wawasamehe saba mara 70 kama kuna makosa wamefanya” ili wapigie kura CCM kuanzia urais hadi udiwani.
Mfumo huo, umeonekana kuwavutia makada wengi wa chama hicho tawala lakini ili kuwapoza, Dk Magufuli amekuwa akiahidi kuletewa majina ya makada wote walioshindwa kura za maoni ili awapatie kazi akiwa rais.
Ahadi za vyeo hivyo huenda zikaonekana lulu ya kuwaunganisha lakini hatari iwapo hatatimiza ahadi zake.
Kukisafisha chama
Mbali na kuunganisha makundi ndani ya CCM, Dk Magufuli anafanya kazi kubwa ya kuirudisha imani ya Watanzania kwa CCM baada ya chama hicho kukumbwa na kashfa za utendaji mbovu na ufisadi.
Amekuwa akiwasihi wananchi kutoihukumu CCM kwa sababu ya waovu wachache ambao aliahidi kuwa akiingia madarakani, atawasafisha.
Amekuwa akiwataka Watanzania kutokimbilia mabadiliko yasiyo na mipango kwa shauku ya kuing’oa CCM ili kuyatimiza badala yake wampe urais ili akate kiu yao ndani ya CCM.
“Wapo watu wanasema CCM imeoza tu hata mngechagua nani, nataka niwaambie, hasa vijana, tusifanye mabadiliko kwa jazba yakatuletea madhara kwa sababu mifano hai tunayo duniani,” alisema Dk Magufuli mjini Mbinga na kutoa mifano ya mapinduzi ya Libya yalivyoiacha nchi hiyo kwenye machafuko.
“Hivi jamani kitanda kikiwa na kunguni unachoma kitanda? Hapana, unachofanya ni kuwaua kunguni ili ulale kwa amani na raha mustarehe.”
Pamoja na kukisafisha chama, kauli za Dk Magufuli wakati mwingine zinatafsiriwa na upinzani kama njia ya kutengeneza hofu ya mabadiliko miongoni mwa wananchi.
Vyanzo vya mapato
Mara nyingi Dk Magufuli amekuwa akieleza kuwa Serikali yake itapunguza sherehe zisizo na tija kama siku ya maziwa, maji au nyama ili kutunza fedha za umma, lakini undani katika vyanzo vingine hasa vya kodi umekuwa ukisikika kwa wastani.
“Wapo watu watasema hizo ni siasa tu atatoa wapi wa fedha? Nchi hii, tajiri ina makaa ya mawe, ina maziwa 21, bahari kubwa mpaka watu wanaiba tu pesa, madini ya kila aina, wanyama, mifugo, hatuwezi tukashindwa, naomba mnipe urais niwafanyie kazi,” anaeleza Dk Magufuli.
Anasema fedha ziko pia katika maeneo ya utalii, kuwabana wasiolipa kodi na kwamba wakubwa na wadogo wote walipe kodi na kuziba kwa kiasi kikubwa mianya ya rushwa kwa kuongeza ufanisi wa kazi.
Vijembe
Licha ya mgombea huyo kutangaza mara kadhaa kuwa atafanya kampeni safi zisizomtukana mtu yeyote, baadhi ya makada wanaomnadi wamekuwa wakimwangusha kwa kutumia jukwaa hilo kupiga vijembe na kutumia lugha za maudhi kujibu mapigo ya upande wa pili wa upinzani hasa vyama vinavyounda Umoja wa Katiba ya Wananchi (Ukawa).
Akihutubia wakazi wa Songea Mjini, mgombea huyo alisema: “Hatutamtukana mgombea yeyote. Sisi tutafanya kampeni za kistaarabu kwa sababu tunahitaji kura za Watanzania wote na hivi ndivyo ninavyotaka uongozi wangu uwe.”
Lakini dakika sita tu baada ya kauli hiyo, Dk Magufuli alimwachia jukwaa mjumbe wa kamati ya kampeni, Mwigulu Nchemba ambaye tangu sekunde ya kwanza hadi ya mwisho alikuwa akirusha vijembe akiomba “kuweka kumbukumbu na mambo sawa kwa Watanzania” ili watakapokuja upinzani kuwadanganya wawe na majibu.
Vijembe hivyo vilivyoanzia mkoani Mbeya kwa kuwaponda mgombea wa urais wa Chadema kupitia Ukawa, Edward Lowassa na Waziri Mkuu wa zamani, Frederick Sumaye viliendelea juzi ikiwa ni majibu ya vile vilivyotolewa siku ya uzinduzi wa kampeni za Ukawa.
Pia, kada mwingine Amon Mpanju naye kwa siku tatu zilizopita ameonekana kuwa mtambo wa vijembe kwa Ukawa akieleza kuwa rais anayefaa ni Dk Magufuli wengine ni maigizo na mambo mengine ambayo siyo rahisi kuandikika.
‘Mimi ni maji moto kuunguza mafisadi’
Jana, akiwa Newala Mjini, Dk Magufuli aliwaomba Watanzania wamchague kwa kuwa yeye ni maji ya moto ya kuwaunguza mafisadi wanaotafuna fedha za umma na kuchelewesha maendeleo.
Akiwa katika Uwanja wa CCM – Sabasaba, Dk Magufuli alisema hakuna haja ya kuichukia Serikali kwa sababu ya mafisadi wachache aliowafananisha na kunguni kitandani ni rahisi kuwaondoa.
Huku akishangiliwa na umati ulijitokeza mahali hapo saa tatu asubuhi alisema: “Mimi ni maji ya moto kwa mafisadi nipeni urais muone nitakavyowaunguza.”
Katika mwendelezo wa ahadi zake mkoani Mtwara, msisitizo mkubwa aliuweka zaidi katika namna atakavyokuza uchumi wa eneo hilo kwa kutumia gesi asilia na kuongeza thamani ya zao la korosho kwa kujenga viwanda. Aliahidi pia kujenga Barabara ya Masasi – Newala – Mtwara kwa kiwango cha lami.
“Nipeni tu urais tuwaletee maji kwanza huyo waziri wa maji nitakayemteua, hatashinda Dar es Salaam akisherehekea wiki ya maji. Katika uongozi wangu sipendi ubabaishaji. Nikisema A basi ni A na nikisema mti unakuwa mti ndiyo maana wale mafisadi walipoona nimeteuliwa walikimbia wenyewe,” alisema na kushangiliwa.
Mgombea huyo ambaye yupo katika siku ya 11 ya kampeni zake, alipofika katika Kijiji cha Lidumbe, Newala saa 4.02 asubuhi, alijumuika na wanakijiji kuomboleza msiba wa Zainabu Abdallah aliyefariki juzi na kutoa ubani wa Sh400,000.
Mmoja wa ndugu wa marehemu huyo, Sofia Litonji alimwambia mwandishi wetu kuwa amefurahishwa na kitendo cha Dk Magufuli kuwapatia pole kwa kuwa siyo kawaida kiongozi wa ngazi yake kufanya hivyo.

Mtwara Mjini
Akiwa Mtwara Mjini, alipokewa na maelfu ya wakazi wa ambao aliwaahidi kuwa rasilimali ya gesi asilia iliyogundulika katika eneo hilo itatumika kuwanufaisha wao kwanza na taifa kwa ujumla kwa kujenga viwanda vikubwa na kuzalisha ajira.
Aliingia Mtwara Mjini saa 9.10 alasiri na kupokewa na msafara wa bodaboda hadi katika Uwanja wa Mashujaa.
Huku akionekana mwenye furaha kubwa, Dk Magufuli alisema: “Awamu ya nne imeshaanza kujenga viwanda hapa ikiwamo Kiwanda cha Saruji cha Dangote, katika utawala wangu nitatandika viwanda kote hapahapa Mtwara.
Sehemu kubwa ya hotuba zake tangu alipoingia mkoani hapa amekuwa akizungumzia gesi.
Itakumbukwa kuwa wakazi wa mkoa huo waliitikisa Serikali mwaka 2013 wakiigomea isijenge bomba la kusafirisha gesi kutoka Mtwara hadi Dar es Salaam kwa madai kuwa ikisafirishwa hawatanufaika nayo na kubaki maskini.
Hata hivyo, akiwa Ziwani, Mtwara Vijijini moja ya maeneo inakopatikana gesi hiyo, wananchi walimpokea kwa shangwe naye kuwaambia: “nina deni la kuwaletea maendeleo.”

JK : Tutafunga kamera za CCTV kulinda wananchi


Amiri Jeshi Mkuu wa Majeshi ya Ulinzi na
By Mwandishi Wetu
Dar es Salaam. Amiri Jeshi Mkuu wa Majeshi ya Ulinzi na Usalama, Rais Jakaya Kikwete amesema ili kuwaweka salama wananchi kamera maalum za CCTV zitafungwa katika miji mikuu kukabiliana na wahalifu nchini.
Rais Kikwete alisema hayo juzi katika hafla ya kuagana na wapiganaji na walinzi wa usalama iliyofanyika kwenye Ukumbi wa Diamond Jubilee, Dar es Salaam.
Alisema ili kuimarisha ulinzi na usalama wa raia, Serikali inakamilisha mpango wa kufunga kamera hizo.
“Tutakomesha huu wizi wa kupora mali za watu kwa kutumia pikipiki kwa sababu kamera hizo zitakuwa zinaona sehemu zote za mji,” alisema Rais Kikwete.
Alisema Tanzania lazima iendelee kuwekeza ipasavyo katika ujenzi na uimara wa majeshi yake kila wakati. “Hata katika mambo ya kiraia, msipowekeza katika usalama wa raia, wezi watawasumbua kila siku kwa kuvamia benki na kuiba pesa za wananchi.
“Kadri uchumi wa Tanzania unavyozidi kukua ni lazima majeshi ya ulinzi nayo yaboreshwe kwa sababu uchumi imara ni lazima ulindwe na jeshi imara,” alisema.
Rais Kikwete pia alisifia Jeshi la Ulinzi la Wananchi wa Tanzania (JWTZ) kwa kuiletea nchi sifa na heshima kubwa katika kipindi cha uongozi wake.
Alisema anaondoka madarakani akiwa na furaha kwa sababu ya mchango wake katika ujenzi mkubwa wa majeshi kwa miaka 10.
Katika hafla hiyo iliyohudhuriwa na maofisa wa JWTZ, polisi, magereza, idara ya usalama wa Taifa na uhamiaji alisema: “Tumelinda amani na utulivu, katika mipaka ya nchi yetu. Pia tumegundua gesi asili, hivyo ni lazima ilindwe vingivevyo nchi itakuwa na watu wa ajabu.
“Watu wanaiba samaki wetu katika bahari kuu na ndiyo maana tulizindua meli mbili mpya kubwa za MV Butiama na MV Msoga kwa ajili ya Kamandi yetu ya Maji.”
Rais Kikwete alimkariri Waziri Mkuu wa zamani wa Uingereza Winston Churchill ambaye alikuwa askari na alisema:
“Uimara wa uchumi lazima ulindwe na uimara wa jeshi la nchi. Uchumi wa nchi lazima ulindwe kwa upanga.”
Rais Kikwete alisema: “Mwaka 2005, hatukuwa na ndege ya kijeshi iliyokuwa inaruka. Sasa tuna Jeshi la Anga lililo kamili.
“Tumejenga kikosi cha mizinga na vifaru...pia tuna uwezo wa kuaminika.”
Hata hivyo alisema ujenzi wa nyumba 6,000 kati ya 10,000 za wanajeshi umekamilika.
-chanzo: mwananchi

Kampeni za Ukawa sasa anga kwa anga


Mwenyekiti wa Chadema ,Freeman Mbowe akihutubia
By Fidelis Butahe
Rukwa. Mwenyekiti wa Chadema, Freeman Mbowe amesema Katibu Mkuu wa chama hicho, Dk Willibrod Slaa aliyetangaza kujiondoa ni sawa na abiria wa treni ya kati aliyeshukia njiani kabla ya mwisho wa safari, huku mgombea urais wa chama hicho chini ya mwamvuli wa Ukawa, Edward Lowassa akisema: “Tanzania ya CCM sasa basi, ni wakati wa mabadiliko.”
Akizungumza katika mkutano wa kampeni uliofanyika katika Uwanja wa Shule ya Msingi Nduwa, Sumbawanga, Mbowe akiwa sambamba na Lowassa alisema hakuna kiongozi wa Chadema ambaye ni mkubwa kuliko chama hicho.
“Mtu yeyote anaweza kuondoka katika chama lakini kikabaki salama na kuendelea na safari yake ya mabadiliko,” alisema na kushangiliwa na maelfu ya wananchi wa mji huo waliojitokeza kwa wingi katika Uwanja wa Ndege wa Sumbawanga kuwapokea viongozi hao wakitokea Ruvuma.
Juzi, Dk Slaa alitangaza kuachana na siasa za vyama kutokana na kutofautiana na viongozi wa Chadema juu ya masharti ya kumpokea Lowassa.
Mbowe ambaye alipokewa na mabango ya kumtaka atoe kauli kuhusu Dk Slaa alisema: “Watu wengi waliniambia nikifika hapa nizungumze habari ya Dk Slaa sasa ngoja niwaambie kwa kifupi sana.”
Alisema mwaka 1992, Chadema kilipoundwa kilianza safari yake, akiifananisha na ile ya treni ya Reli ya Kati inayoanzia Dar es Salaam hadi Kigoma, kwamba katika safari hiyo wapo wanachama walioshukia njiani, akimaanisha walioamua kuachana na chama hicho... “Tukafika Pugu wapo walioshuka na wengine wakapanda, tulipofika Morogoro wapo walioshuka na wapo waliopanda. Oktoba mwaka huu treni itafika Kigoma mwisho wa reli na tutaingia Ikulu,” alisema.
Alisema vikao vya Baraza Kuu, Kamati Kuu na Mkutano Mkuu wa chama hicho vilikubali Lowassa kuwa mgombea urais wa Chadema na Ukawa... “Hiyo ndiyo habari ya mjini, sasa kama kuna mtu na mke wake wana mawazo tofauti watatukuta mbele ya safari. Hatuna muda wa kupoteza tunahitaji mabadiliko.”
Mbowe aliwataka askari kuwalinda wananchi kwa maelezo kuwa Oktoba 25 wataamua hatima ya nchi yao kwa kukichagua Chadema kuingia Ikulu na kusisitiza kuwa uamuzi ya Watanzania hausababishwi na mapenzi kwa Chadema, bali maumivu, tabu, umaskini, ujinga, kukosa maji, matumizi mabaya ya rasilimali za nchi na ukosefu wa pembejeo.
“Tusijenge uadui na askari polisi kwa sababu ni ndugu zetu, wadogo zetu, baba zetu na tunawahitaji kama wao wanavyotuhitaji, nao wanahitaji mabadiliko kwani wapo hoi,” alisema.
Mbowe aliwataka wanaCCM kuiga mfano wa Lowassa kwa kujiunga na mabadiliko na kuwataka wanachama wa Chadema kuwashawishi wanachama wa chama hicho tawala kujiunga na safari ya mabadiliko.
Lowassa apunguziwa safari
Alisema Chadema kimeunda timu nne zitakazoundwa na wabunge wake kwa ajili ya kuzunguka mikoa mbalimbali kufanya kampeni kwa maelezo kuwa Lowassa hawezi kumaliza majimbo yote ya uchaguzi ndani ya siku 60 za kampeni zilizopangwa na Tume ya Taifa ya Uchaguzi (NEC).
Alisema wabunge hao watatumia helikopta (chopa) nne kuzunguka katika majimbo mbalimbali.
Wabunge hao waliomaliza muda wao na majimbo wanayogombea katika mabano ni Tundu Lissu (Singida Mashariki), Godbless Lema (Arusha Mjini), David Silinde (Momba), Ezekia Wenje (Nyamagana), Joseph Mbilinyi (Mbeya Mjini), Halima Mdee (Kawe), John Mnyika (Kibamba) na yeye mwenyewe.
Alisema kuna majimbo ya uchaguzi 265 na Lowassa akifanya kampeni katika majimbo manne kwa siku, atamaliza majimbo 240 ndani ya siku 60, kwamba yapo ambayo atashindwa kuyafikia.
Lowassa
Akizungumza katika mkutano huo, Lowassa alisema licha ya kutawala kwa miaka zaidi ya 50, CCM imeshindwa kumaliza matatizo yanayowakabili wananchi. “Nipeni dhamana ya kuibadilisha nchi yetu kwani chama hiki (CCM), kipo miaka 50 lakini hakuna kilichofanya. Nipigieni kura na kulinda kura yako.”
Lowassa alisema akiwa rais wa awamu ya tano, elimu itakuwa bure na atafuta kodi na ushuru kwa wakulima, kusisitiza kuwa anataka kuwaonyesha Watanzania kuwa anaweza kuwaletea mabadiliko na kuifanya Tanzania kuwa nchi yenye maendeleo makubwa.
Aanza kutumia chopa
Jana, Lowassa alianza kutumia chopa katika mikutano yake ya kampeni ili kurahisisha kuwafikia wapiga kura wengi zaidi. Mbali na chopa, mgombea huyo ambaye ameshafanya mikutano ya kampeni katika mikoa ya Iringa, Njombe na Ruvuma pia atatumia ndege.
Jana aliruka na chopa kutoka Songea Mjini na kufanya mikutano Mbinga na Namtumbo na baadaye Sumbawanga.
Mkuu wa Idara ya Habari na Mawasiliano wa Chadema, Tumaini Makene alisema: “Tutakuwa na chopa nyingi si moja lakini hawezi kuitumia kila siku na kuna maeneo atatumia ndege. Suala la matumizi ya chopa pia linahitaji vibali.”
Kwa mujibu wa ratiba ya NEC leo Lowassa atafanya mkutano wa kampeni Mlele na Mpanda mkoani Katavi na kesho atakuwa mkoani Kigoma ambako atafanya mikutano Uvinza, Kigoma Vijijini na Kigoma Mjini.
Keshokutwa atakuwa Tabora ambako atatumia siku mbili kufanya mikutano wilaya za Sikonge, Urambo, Tabora Mjini, Nzega na Igunga.
Septemba 7, atafanya mkutano jijini Dar es Salaam katika jimbo la Kibamba na Bunju na kuendelea katika mikoa ya Morogoro, Dodoma, Singida, Shinyanga, Simiyu, Geita, Kagera na Mtwara.
-chanzo:mwananchi
© Copyright TUANGAZE BONGO
Back To Top